తిరువూరు లో కోతులు, కుక్కల బెడదను అరికట్టాలి

తిరువూరు లో కోతులు, కుక్కల బెడదను అరికట్టాలి

ఎన్టీఆర్ జిల్లా తిరువూరు : పట్టణంలోని పలు ప్రాంతాల్లో కోతులు, వీధి కుక్కల బెడద రోజురోజుకూ తీవ్రరూపం దాల్చుతోంది. దీంతో వృద్ధులు, చిన్నపిల్లలు తీవ్ర ఇబ్బందులు ఎదుర్కొంటున్నారు. ముఖ్యంగా కుక్కల సంచారం అధికమవడంతో రాత్రివేళల్లో బయటకు రావాలంటే ప్రజలు భయాందోళనకు గురవుతున్నారు.

ఈ సమస్యపై తక్షణ చర్యలు తీసుకోవాలని సోషల్ యాక్టివిస్ట్ యం. రాం ప్రదీప్ బుధవారం ఆర్‌డీఓ కార్యాలయంలో ఆర్‌డీఓ ఏ. కుమార్‌ను కలిసి వినతిపత్రం సమర్పించారు. కోతులు, కుక్కల నియంత్రణ కోసం ప్రత్యేక చర్యలు చేపట్టి ప్రజలకు ఉపశమనం కల్పించాలని కోరారు.

ఈ సందర్భంగా ఇటీవల బాధ్యతలు స్వీకరించిన ఆర్‌డీఓ ఏ. కుమార్‌ను రాం ప్రదీప్ శాలువాతో సత్కరించి శుభాకాంక్షలు తెలిపారు.