ఉరుమడ్లలో ఘనంగా శ్రీశ్రీ రవిశంకర్ గురూజీ జన్మదిన వేడుకలు
ఒత్తిడి లేని జీవనానికి యోగా ప్రాధాన్యం: పల్లపు బుద్ధుడు పిలుపు.
NTODAY NEWS చిట్యాల
ప్రముఖ ఆధ్యాత్మిక వేత్త, 'ఆర్ట్ ఆఫ్ లివింగ్' వ్యవస్థాపకులు శ్రీశ్రీ రవిశంకర్ గురూజీ జన్మదిన వేడుకలు నల్గొండ జిల్లా చిట్యాల మండలం ఉరుమడ్ల గ్రామంలో గురువారం అత్యంత వైభవంగా జరిగాయి. గ్రామ క్రీడా ప్రాంగణం మరియు శ్రీ రామలింగేశ్వర స్వామి దేవాలయ ఆవరణలో ఆర్ట్ ఆఫ్ లివింగ్ ఆధ్వర్యంలో 'యువ సమ్మేళనం' నిర్వహించారు.
ఆధ్యాత్మికతతోనే మానసిక ప్రశాంతత
ఈ కార్యక్రమాన్ని పల్లపు బుద్ధుడు పర్యవేక్షించి, నిర్వహించారు. ఈ సందర్భంగా ఆయన మాట్లాడుతూ నేటి ఉరుకుల పరుగుల జీవితంలో యువత తీవ్ర ఒత్తిడి, ఆందోళనలకు లోనవుతున్నారని ఆవేదన వ్యక్తం చేశారు. సుదర్శన క్రియ, యోగా మరియు ధ్యానం వంటి సాధనల ద్వారానే మానసిక ప్రశాంతత లభిస్తుందని, యువత వ్యసనాలకు దూరంగా ఉండి దేశాభివృద్ధిలో భాగస్వాములు కావాలని ఆయన పిలుపునిచ్చారు. ఈ కార్యక్రమంలో భాగంగా గురూజీ చిత్రపటానికి పూలమాలలు వేసి ఘన నివాళులు అర్పించారు. అనంతరం చిన్నారులతో కలిసి కేక్ కట్ చేసి, వారికి పండ్లు, మిఠాయిలు మరియు స్నాక్స్ పంపిణీ చేశారు. ఈ కార్యక్రమంలో చిట్యాల మార్కెట్ కమిటీ డైరెక్టర్ కోనేటి యాదగిరి , మాజీ ఎంపీటీసీ పోలగొని స్వామి , గ్రామ కాంగ్రెస్ పార్టీ అధ్యక్షుడు చెరుకు సైదులు , వార్డు సభ్యులు పాకాల దినేష్, మెడబోయిన స్వాతి శ్రీను, బోయ స్వామి గుత్తా రవీందర్ రెడ్డి, గంగపురం వెంకన్న, ఉయ్యాల మల్లేష్, మాదగాని నరేష్, పల్లపు రామకృష్ణ, జనగాం స్వామి ఉరుమడ్ల హాకీ క్రీడా వాలంటీర్ గంగపురం రాము తదితరులు పాల్గొన్నారు
