వేములవాడలో వైభవంగా శ్రీరామనవమి ఉత్సవాలు

మార్చి 27న శ్రీ సీతారాముల కల్యాణం

​వేములవాడ: రాజన్న సిరిసిల్ల జిల్లాలోని ప్రముఖ పుణ్యక్షేత్రం వేములవాడ శ్రీ రాజరాజేశ్వర స్వామి దేవస్థానంలో శ్రీ పరాభవ నామ సంవత్సర ఉగాది మరియు శ్రీరామనవమి నవరాత్రి ఉత్సవాలను అత్యంత వైభవంగా నిర్వహించేందుకు దేవస్థాన అధికారులు ఏర్పాట్లు చేస్తున్నారు.

​మార్చి 19 (గురువారం): శ్రీ పరాభవ నామ సంవత్సర ఉగాది పండుగను పురస్కరించుకుని సాయంత్రం 4:30 గంటలకు శ్రీ భీమేశ్వర స్వామి దేవాలయ ప్రాంగణంలో 'పంచాంగ శ్రవణం' నిర్వహించబడుతుంది.

​నవరాత్రి ఉత్సవాలు: మార్చి 19 నుండి మార్చి 27 వరకు వసంత నవరాత్రి ఉత్సవాలు ఏకాంతంగా నిర్వహించబడతాయి.

​మార్చి 27 (శుక్రవారం) - శ్రీరామనవమి: ఉదయం 11:30 నుండి మధ్యాహ్నం 1:00 గంట వరకు పార్కింగ్ స్థలం వద్ద గల శివార్చన వేదికపై శ్రీ సీతారాముల కల్యాణ మహోత్సవం అత్యంత వైభవంగా జరుగుతుంది.

​అనంతరం సాయంత్రం 5:00 గంటలకు స్వామివారి రథోత్సవం, రాత్రి 7:30 గంటలకు డోలోత్సవం నిర్వహించనున్నారు.

​భక్తులకు విజ్ఞప్తి:

​ఈ వేడుకల్లో భక్తులు భారీ సంఖ్యలో పాల్గొని స్వామివారి కృపకు పాత్రులు కావాలని కార్యనిర్వహణాధికారి కోరారు. అలాగే, స్వామివారికి మొక్కుబడిగా సమర్పించే కోడెలు, ఆవులు ఆరోగ్యంగా ఉండాలని, అంగవైకల్యం లేని వాటిని మాత్రమే సమర్పించాలని సూచించారు. దేవస్థానంలో రూ. 1,116/- చెల్లించి నిలువు దోపిడీ సమర్పించే సౌకర్యం కూడా కల్పించబడింది.