వీరనారి చాకలి ఐలమ్మకు ఘన నివాళి

ఐలమ్మ విగ్రహానికి పూలమాలలు వేసిన అధికారులు, ప్రజాసంఘాల ప్రతినిధులు

హనుమకొండ | Ntoday News

వీరనారి చాకలి ఐలమ్మ వర్ధంతిని పురస్కరించుకుని న్యూ శాయంపేటలో ఆమె విగ్రహానికి ఘనంగా నివాళులర్పించారు. కుడా ఛైర్‌పర్సన్, హనుమకొండ జిల్లా కలెక్టర్, వరంగల్ జిల్లా కలెక్టర్, అధికారులు, ప్రజాసంఘాల ప్రతినిధులు ఐలమ్మ విగ్రహానికి పూలమాలలు వేసి శ్రద్ధాంజలి ఘటించారు.

భూమి, భుక్తి కోసం, అణగారిన వర్గాల హక్కుల కోసం చాకలి ఐలమ్మ సాగించిన పోరాటాన్ని ఈ సందర్భంగా గుర్తుచేసుకున్నారు. భూస్వామ్య దోపిడీ, వెట్టిచాకిరీకి వ్యతిరేకంగా ఆమె చూపిన ధైర్యసాహసాలు, పోరాట స్ఫూర్తి నేటి తరానికి ఆదర్శంగా నిలుస్తాయని పేర్కొన్నారు. ఐలమ్మను మహిళా ధైర్యానికి, సామాజిక న్యాయ పోరాటానికి ప్రతీకగా తెలంగాణ సమాజం స్మరించుకుంటోంది. 

కార్యక్రమంలో అధికారులు, ప్రజాసంఘాల ప్రతినిధులు, స్థానికులు తదితరులు పాల్గొన్నారు.