నేడు ఆకాశంలో అరుదైన దృశ్యం...

నేడు ఆకాశంలో అరుదైన దృశ్యం.. భూమికి దగ్గరగా శనిగ్రహం

ఆకాశ వీక్షకులకు ఆదివారం అరుదైన ఖగోళ దృశ్యం కనువిందు చేయనుంది. శనిగ్రహం భూమికి సమీపంగా కనిపించనుందని ప్లానిటరీ సొసైటీ ఆఫ్ ఇండియా వెల్లడించింది. సాయంత్రం 5.59 గంటల నుంచి శనిగ్రహాన్ని వీక్షించవచ్చని తెలిపింది.

తూర్పు ఆకాశంలో లేత పసుపు రంగులో ప్రకాశిస్తూ శనిగ్రహం కనిపించనుంది. ఎలాంటి ప్రత్యేక పరికరాలు లేకుండానే దానిని వీక్షించవచ్చు. బైనాక్యులర్‌ లేదా టెలిస్కోప్‌ సాయంతో పరిశీలిస్తే శనిగ్రహం చుట్టూ ఉన్న వలయాలను కూడా చూడవచ్చని ఖగోళ పరిశీలకులు సూచిస్తున్నారు.

భూమికి సుమారు 126 కోట్ల కిలోమీటర్ల దూరంలో ఉండే శనిగ్రహం, 2025 సెప్టెంబర్‌ 21న కూడా భూమికి సమీపంగా కనిపించింది. అయితే, శనిగ్రహం భూమికి అత్యంత దగ్గరగా వచ్చే ఖగోళ స్థితి, అది ఆకాశంలో కనిపించే సమయం ప్రాంతాన్ని బట్టి మారవచ్చు.