అమృత ప్రణయ్ హత్య కేసులో A4 అబ్దుల్ బారీ మృతి

NTODAY NEWS: నల్లగొండ 

నల్గొండ జిల్లా మిర్యాలగూడలో సంచలనం సృష్టించిన అమృత–ప్రణయ్ హత్య కేసులో A4 నిందితుడిగా జీవిత ఖైదు అనుభవిస్తున్న అబ్దుల్ బారీ మృతి చెందినట్లు సమాచారం. చర్లపల్లి జైలులో ఉన్న ఆయన గురువారం గుండె నొప్పితో అస్వస్థతకు గురైనట్లు తెలుస్తోంది. జైలు సిబ్బంది వెంటనే అబ్దుల్ బారీని హైదరాబాద్‌లోని గాంధీ ఆస్పత్రికి తరలించారు. అక్కడ చికిత్స పొందుతూ మృతి చెందినట్లు సమాచారం. ప్రస్తుతం మృతదేహాన్ని పోస్టుమార్టం నిమిత్తం గాంధీ ఆస్పత్రిలో ఉంచారు. నల్లగొండ పట్టణంలోని ప్యారసభాగ్ కాలనీకి చెందిన అబ్దుల్ బారీ గతంలో హరేన్ పాండే హత్య కేసులోనూ జైలు శిక్ష అనుభవించినట్లు సమాచారం. అనంతరం మిర్యాలగూడలో జరిగిన అమృత–ప్రణయ్ హత్య కేసులో A4గా శిక్షకు గురై జీవిత ఖైదు అనుభవిస్తున్నాడు. అబ్దుల్ బారీ మృతికి సంబంధించిన పూర్తి వివరాలు, మృతికి గల కారణాలు అధికారికంగా వెల్లడికావాల్సి ఉంది.