ఆంధ్రప్రదేశ్ లో ప్రైవేట్ ట్రావెల్స్ బస్సులపై కఠిన నిబంధనలు

ఆంధ్రప్రదేశ్ లో ప్రైవేట్ ట్రావెల్స్ బస్సులపై కఠిన నిబంధనలు

ఆంధ్రప్రదేశ్‌లో ప్రైవేట్ ట్రావెల్స్ బస్సుల వేగంపై రవాణాశాఖ కట్టుదిట్టమైన నియంత్రణలు అమలు చేసింది. గంటకు 80 కిలోమీటర్లకు మించకుండా బస్సులు నడవాలని స్పష్టమైన ఆదేశాలు జారీ చేసింది. ఓవర్ స్పీడ్‌ను అరికట్టేందుకు ప్రత్యేక చర్యలు చేపట్టింది.

వేగ నియంత్రణ పరికరాలు సక్రమంగా పనిచేసేలా ట్రాకింగ్ వ్యవస్థను అమలు చేసింది. ఈ వ్యవస్థ ద్వారా ప్రతి బస్సు ప్రయాణాన్ని నిరంతరం పర్యవేక్షిస్తున్నారు. నిబంధనలు ఉల్లంఘించిన వాహనాలపై తక్షణ చర్యలు తీసుకుంటున్నారు.

రవాణాశాఖ చర్యలతో ఇప్పటివరకు 1,660 ప్రైవేట్ బస్సులు నియమావళికి లోబడి నడుస్తున్నాయి. భద్రతా ప్రమాణాలను కచ్చితంగా పాటించేలా అధికారులు నిరంతరం తనిఖీలు నిర్వహిస్తున్నారు.