పార్థివదేహాన్ని తరలిస్తున్న అంబులెన్స్ ప్రమాదం

అంబులెన్స్‌లో ఉన్న నలుగురు మృతి

సుల్తాన్‌పూర్: హర్యానాలోని పంచకులలో మృతి చెందిన సుబేదార్ మేజర్ పార్థివదేహాన్ని స్వగ్రామానికి తరలిస్తున్న అంబులెన్స్ ఉత్తరప్రదేశ్‌లోని సుల్తాన్‌పూర్ జిల్లా పరిధిలోని పూర్వాంచల్ ఎక్స్‌ప్రెస్‌వేపై ప్రమాదానికి గురైంది. రహదారి పక్కన నిలిపి ఉంచిన ట్రక్కును అంబులెన్స్ ఢీకొట్టినట్లు సమాచారం.

ఈ ప్రమాదంలో సుబేదార్ మేజర్ కుమారుడు, సోదరుడు, మేనల్లుడితో పాటు అంబులెన్స్ డ్రైవర్ మృతి చెందారు. అంబులెన్స్‌లో ప్రయాణిస్తున్న వారిలో ఎవరూ ప్రాణాలతో బయటపడలేదని సమాచారం.

ఘటనపై స్థానిక పోలీసులు వివరాలు సేకరిస్తున్నారు. ప్రమాదానికి గల పూర్తి కారణాలు తెలియాల్సి ఉంది.