అన్నవరంలో ఘనంగా తల్లిపాల వారోత్సవాలు తల్లిపాలే శిశువుకు తొలి రక్షణ..
అన్నవరంలో ఘనంగా తల్లిపాల వారోత్సవాలు తల్లిపాలే శిశువుకు తొలి రక్షణ..
ఏలూరు జిల్లా నూజివీడు మండలం అన్నవరం గ్రామ అంగన్వాడీ కేంద్రంలో ప్రపంచ తల్లిపాల వారోత్సవాల సందర్భంగా తల్లిపాల ప్రాధాన్యతపై అవగాహన కార్యక్రమాన్ని నిర్వహించారు. గర్భిణులు, బాలింతలు, చిన్నారుల తల్లులు పెద్ద సంఖ్యలో పాల్గొన్నారు.
ఈ సందర్భంగా ఐసీడీఎస్ సూపర్వైజర్ కె. కమలబాయి మాట్లాడుతూ, శిశువు పుట్టిన గంటలోపే తల్లిపాలు ఇవ్వడం, తొలి ఆరు నెలలు తల్లిపాలు మాత్రమే అందించడం అత్యంత అవసరమని తెలిపారు. తల్లిపాలే శిశువుకు సంపూర్ణ పోషకాహారంతో పాటు రోగనిరోధక శక్తిని అందించే తొలి రక్షణ అని వివరించారు.
అంగన్వాడీ టీచర్ గరికపాటి జ్యోతి కుమారి కార్యక్రమాన్ని సమన్వయం చేసి తల్లిపాల ప్రాధాన్యతపై తల్లులకు అవగాహన కల్పించారు. తల్లి–శిశు సంక్షేమం కోసం ఆమె అందిస్తున్న సేవలను అధికారులు అభినందించారు.
కార్యక్రమంలో ఆశా కార్యకర్తలు, అంగన్వాడీ సిబ్బంది, జీఎంఎస్కే సభ్యులు, గ్రామ మహిళలు పాల్గొన్నారు. చివరగా "తల్లిపాలే బిడ్డకు తొలి ఆహారం.. తొలి రక్షణ" అనే సందేశంతో కార్యక్రమాన్ని ముగించారు.
