చింతలపూడి ఎమ్మెల్యే కార్యాలయంలో ఉదయం సందడి – కార్యకర్తల సమస్యలపై ప్రత్యక్ష చర్చ
డివిజన్ రిపోర్టర్ అమెర్ల ధర్మా రావు
చింతలపూడి నియోజకవర్గ ఎమ్మెల్యే కార్యాలయం ఈ ఉదయం ఉత్సాహభరిత వాతావరణంతో సందడిగా మారింది. ప్రజా సమస్యల పరిష్కారాన్ని లక్ష్యంగా పెట్టుకుని, కార్యకర్తలతో నేరుగా సమావేశమైన చింతలపూడి శాసనసభ్యులు సొంగా రోషన్ కుమార్ అందరి సమస్యలను ఒక్కొక్కటిగా ఆప్యాయంగా విన్నారు.
గ్రామాల్లో నెలకొన్న చిన్న చిన్న సమస్యల నుంచి అభివృద్ధి పనుల పురోగతి వరకు ప్రతి అంశాన్ని దగ్గరగా అడిగి తెలుసుకున్నారు. కార్యకర్తలు తమ ప్రాంతాల్లో ఎదురవుతున్న ఇబ్బందులను వివరించగా, వాటిపై తక్షణమే స్పందించేలా సంబంధిత విభాగాల దృష్టికి తీసుకెళ్లేలా సూచనలు ఇచ్చారు.
ప్రజల మధ్యే ఉండి సమస్యలను ప్రత్యక్షంగా తెలుసుకోవడం వల్ల పరిష్కారానికి వేగం వస్తుందని ఎమ్మెల్యే స్పష్టం చేసినట్టు కార్యకర్తలు తెలిపారు. ఉదయం నుంచే కార్యాలయం వద్ద జనం రద్దీగా మారి, మొత్తం వాతావరణం చురుకుగా కనిపించింది.
