చింతలపూడి: వేలాడుతున్న విద్యుత్ తీగల సమస్యకు తక్షణ పరిష్కారం..

చింతలపూడి: వేలాడుతున్న విద్యుత్ తీగల సమస్యకు తక్షణ పరిష్కారం.. ఎమ్మెల్యే రోషన్ కుమార్ చొరవ

చింతలపూడి నియోజకవర్గ రిపోర్టర్ కుడిపుడి సత్తి బాబు 

చింతలపూడి నుంచి సీతానగరం వెళ్లే ప్రధాన రహదారిపై కిందకు వేలాడుతున్న విద్యుత్ తీగల కారణంగా కొద్దిసేపు రాకపోకలకు అంతరాయం ఏర్పడింది. ఈ విషయాన్ని గమనించిన చింతలపూడి ఎమ్మెల్యే సొంగా రోషన్ కుమార్ వెంటనే స్పందించారు.

వర్షంలోనూ అక్కడే నిలబడి సంబంధిత విద్యుత్ శాఖ అధికారులతో మాట్లాడి సమస్యను తక్షణమే పరిష్కరించేలా చర్యలు తీసుకున్నారు. విద్యుత్ సిబ్బంది వెంటనే స్పందించి తీగలను సరిచేయడంతో రహదారిపై రాకపోకలు యథావిధిగా కొనసాగాయి.

ప్రజల ఇబ్బందిని గుర్తించి వెంటనే స్పందించిన ఎమ్మెల్యే రోషన్ కుమార్ తీరుపై వాహనదారులు హర్షం వ్యక్తం చేశారు. అత్యవసర సమయంలో ప్రజలకు అందుబాటులో ఉండి సమస్యలను పరిష్కరించడం అభినందనీయమని వారు పేర్కొన్నారు.