చనుబండ శాఖా గ్రంథాలయంలో సమ్మర్ శిక్షణ శిబిరం

చనుబండ శాఖా గ్రంథాలయంలో సమ్మర్ శిక్షణ శిబిరం

కృష్ణా జిల్లా గ్రంథాలయ సంస్థ పరిధిలోని చనుబండ శాఖా గ్రంథాలయంలో వేసవి శిక్షణ శిబిరం (సమ్మర్ ఓరియంటేషన్ ప్రోగ్రాం)ను 28-04-2026 నుండి 06-06-2026 వరకు స్కూల్ విద్యార్థుల కోసం నిర్వహించనున్నారు. ఈ కార్యక్రమం ప్రధాన ఉద్దేశం విద్యార్థుల్లో సృజనాత్మకత, బాధ్యతాభావం పెంపొందించడం తో పాటు సోషల్ మీడియా వినియోగంలో జాగ్రత్తలు పాటించడం, సైబర్ మోసాలకు గురికాకుండా అవగాహన కల్పించడం.

శిబిరంలో భాగంగా పేపర్ క్రాఫ్ట్, మొక్కలు పెంచడం మరియు వాటి సంరక్షణ, కథలు చదవడం-వినడం ద్వారా ఆలోచన శక్తి పెంపొందించడం వంటి అంశాలు నేర్పించనున్నారు. అలాగే కంప్యూటర్ ద్వారా స్పోకెన్ ఇంగ్లీష్ తరగతులు నిర్వహించడంతో పాటు క్యారమ్స్, చెస్ వంటి ఆటలను కూడా బోధించనున్నారు.

ఈ కార్యక్రమాలు గ్రంథాలయాధికారుల ఆధ్వర్యంలో ప్రతిరోజూ నిర్వహించబడతాయి. కాబట్టి తల్లిదండ్రులు తమ పిల్లలను ఈ శిబిరానికి పంపి వారి భవిష్యత్తుకు బలమైన పునాది వేయాలని గ్రంథాలయాధికారి కె. శ్రీకాంత్ కోరారు.