త్యాగరాజ స్వామి వినాయక భక్తి మండలిని సందర్శించిన జిల్లా ఎస్పీ

కదిరి: శ్రీ సద్గురు త్యాగరాజ స్వామి వినాయక భక్తి మండలి ఆధ్వర్యంలో నిర్వహిస్తున్న వినాయక ఉత్సవాలు 30 సంవత్సరాలు పూర్తి చేసుకున్న సందర్భంగా కదిరి పట్టణంలోని 26వ వార్డు త్యాగరాజు వీధిలో ఏర్పాటు చేసిన వినాయక మండపాన్ని జిల్లా ఎస్పీ సతీష్ కుమార్, కదిరి డీఎస్పీ వీరనారాయణ, అర్బన్ సీఐ వెంకటేశ్వర్లు సందర్శించారు.

ఈ సందర్భంగా అధికారులు శ్రీ స్వామివారిని దర్శించుకుని ప్రత్యేక పూజల్లో పాల్గొన్నారు. వినాయకుడి ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని వారు ఆకాంక్షించారు.

30 సంవత్సరాలుగా భక్తి శ్రద్ధలతో వినాయక ఉత్సవాలను నిర్వహిస్తూ వస్తున్న శ్రీ సద్గురు త్యాగరాజ స్వామి వినాయక భక్తి మండలి సభ్యులను అధికారులు అభినందించారు. ఉత్సవాలను భక్తిశ్రద్ధలతో, ప్రశాంత వాతావరణంలో నిర్వహించాలని సూచించారు.

అనంతరం జిల్లా ఎస్పీ సతీష్ కుమార్, డీఎస్పీ వీరనారాయణలను మండలి సభ్యులు దృశ్యాలవలతో ఘనంగా సన్మానించారు. ఈ సందర్భంగా మండలి సభ్యులు, అధికారులు పరస్పరం అభినందనలు తెలియజేసుకున్నారు.

కార్యక్రమంలో శ్రీ సద్గురు త్యాగరాజ స్వామి వినాయక భక్తి మండలి కమిటీ అధ్యక్షుడు రోడ్డార్పు హరిప్రసాద్‌తో పాటు లోకేష్, శివ, జగదీష్, వీర విఘ్నేష్, మునిరత్నం, పవన్, శ్రీనివాస్, వెంకటేష్ తదితరులు పాల్గొన్నారు.

ఈ సందర్భంగా మండలి సభ్యులు మాట్లాడుతూ.. మూడు దశాబ్దాలుగా త్యాగరాజ స్వామి వినాయక భక్తి మండలి ఆధ్వర్యంలో ఉత్సవాలను సంప్రదాయబద్ధంగా నిర్వహిస్తున్నామని తెలిపారు. ప్రతి ఏడాది భక్తులు పెద్ద సంఖ్యలో పాల్గొని స్వామివారిని దర్శించుకుంటారని పేర్కొన్నారు.