VB-G RAM Gలో eKYC తప్పనిసరి.. 76 వేల మందికి కీలక సూచన

తెలంగాణ: రాష్ట్రంలో VB-G RAM G పథకం కింద పనిచేస్తున్న స్కిల్డ్, సెమీ స్కిల్డ్ కార్మికులకు eKYC ప్రక్రియ కీలకంగా మారింది. రేపటి నుంచి eKYC పూర్తి చేసిన కార్మికులకే e-మస్టర్‌లో పేరు నమోదై పని ప్రదేశంలో హాజరు నమోదు అయ్యే విధానం అమల్లోకి రానున్నట్లు సమాచారం.

రాష్ట్రవ్యాప్తంగా స్కిల్డ్, సెమీ స్కిల్డ్ కేటగిరీలో మొత్తం 76,659 మంది కార్మికులు ఉన్నట్లు తెలుస్తోంది. అయితే ఇప్పటివరకు 79 మందికే eKYC పూర్తైనట్లు సమాచారం. దీంతో మిగిలిన కార్మికులు సకాలంలో eKYC పూర్తి చేసుకోవాల్సిన పరిస్థితి ఏర్పడింది.

eKYC పూర్తి చేసిన తర్వాతే సంబంధిత కార్మికుల పేర్లు e-మస్టర్‌లో నమోదు కావడంతో పాటు పని ప్రదేశంలో హాజరు నమోదు చేసే అవకాశం ఉంటుంది. eKYC పూర్తి చేయకపోతే పని కేటాయింపు, హాజరు నమోదు ప్రక్రియలో ఇబ్బందులు ఎదురయ్యే అవకాశం ఉందని సంబంధిత వర్గాలు పేర్కొంటున్నాయి.

అలాగే eKYC ప్రక్రియ పూర్తికాకపోతే వేతనాల చెల్లింపుపై ప్రభావం పడటంతో పాటు, గతంలో పనిచేసిన కాలానికి సంబంధించిన వేతన బిల్లుల ప్రక్రియ కూడా ఆలస్యం అయ్యే అవకాశం ఉందని సమాచారం.

ఈ నేపథ్యంలో స్కిల్డ్, సెమీ స్కిల్డ్ కార్మికులు తమ eKYC ప్రక్రియను వీలైనంత త్వరగా పూర్తి చేసుకోవాలని సంబంధిత అధికారులు సూచిస్తున్నారు.