ఆంధ్రప్రదేశ్ హైకోర్టు తొలి మహిళా ప్రధాన న్యాయమూర్తిగా
గౌరవ న్యాయమూర్తి లిసా గిల్ - ఆంధ్రప్రదేశ్ హైకోర్టు తొలి మహిళా ప్రధాన న్యాయమూర్తి. ఆంధ్రప్రదేశ్ హైకోర్టు చరిత్రలో 25 ఏప్రిల్ 2026న ఒక సువర్ణ అధ్యాయం
గౌరవ న్యాయమూర్తి లిసా గిల్
- ఆంధ్రప్రదేశ్ హైకోర్టు తొలి మహిళా ప్రధాన న్యాయమూర్తి.
ఆంధ్రప్రదేశ్ హైకోర్టు చరిత్రలో 25 ఏప్రిల్ 2026న ఒక సువర్ణ అధ్యాయం లిఖించబడింది. జస్టిస్ లిసా గిల్ రాష్ట్ర హైకోర్టుకు తొలి మహిళా ప్రధాన న్యాయమూర్తిగా ప్రమాణ స్వీకారం . ఉన్నత న్యాయవ్యవస్థలో మహిళల ప్రాతినిధ్యాన్ని పెంచే దిశగా ఇది ఒక చారిత్రాత్మక మైలురాయి.
నేపథ్యం :
ప్రస్తుత ప్రధాన న్యాయమూర్తి శ్రీ జస్టిస్ ధీరజ్ సింగ్ ఠాకూర్ గారు 24.04.2026న పదవీ విరమణ చేయడంతో ఆ ఖాళీలో జస్టిస్ లిసా గిల్ గారు బాధ్యతలు స్వీకరించారు.
- నియామకం :
భారత రాజ్యాంగం ప్రకారం, భారత ప్రధాన న్యాయమూర్తితో సంప్రదించి రాష్ట్రపతి గారు ఈ నియామకం చేశారు.
- బదిలీ :
సుప్రీం కోర్టు కొలీజియం సిఫార్సు మేరకు 6 మార్చి 2026న పంజాబ్ & హర్యానా హైకోర్టు నుండి ఏపీ హైకోర్టుకు జడ్జిగా బదిలీ అయ్యారు. 13 మార్చి 2026న అమరావతిలో జడ్జిగా ప్రమాణం చేశారు.
జస్టిస్ లిసా గిల్ గారి విశిష్ట న్యాయ ప్రస్థానం :
- విద్యార్హతలు :
- కార్మెల్ కాన్వెంట్ స్కూల్, సెక్టార్ 9, చండీగఢ్లో పాఠశాల విద్య
- గవర్నమెంట్ కాలేజ్ ఫర్ గర్ల్స్, సెక్టార్ 11, చండీగఢ్లో హ్యుమానిటీస్లో గ్రాడ్యుయేషన్
- పంజాబ్ యూనివర్సిటీ నుండి B.A., LL.B., LL.M
- న్యాయవాద వృత్తి :
- 1990లో న్యాయవాదిగా ఎన్రోల్ అయ్యారు
- పంజాబ్ & హర్యానా హైకోర్టులో క్రిమినల్, సివిల్, సర్వీస్, రెవెన్యూ, రాజ్యాంగ వ్యవహారాలను విస్తృతంగా నిర్వహించారు
- కేంద్ర పాలిత ప్రాంతం చండీగఢ్కు, అనేక బోర్డులు, కార్పొరేషన్లకు ప్రాతినిధ్యం వహించారు
- న్యాయమూర్తిగా :
- 31 మార్చి 2014న పంజాబ్ & హర్యానా హైకోర్టు అదనపు న్యాయమూర్తిగా నియమితులయ్యారు
- తర్వాత శాశ్వత న్యాయమూర్తిగా పదోన్నతి పొందారు
- 11 సంవత్సరాలకు పైగా హైకోర్టు బెంచ్లో సేవలందించారు
- సివిల్, క్రిమినల్, రాజ్యాంగ చట్టాల విస్తృత శ్రేణి వ్యవహారాలను సమర్థవంతంగా పరిష్కరిస్తూ న్యాయం పట్ల నిబద్ధతకు గాను గొప్ప గౌరవాన్ని పొందారు
- ప్రాముఖ్యత :
- తొలి మహిళ :
ఆంధ్రప్రదేశ్ హైకోర్టు ఏర్పడినప్పటి నుండి ప్రధాన న్యాయమూర్తి పదవి చేపట్టిన తొలి మహిళ
- కొలీజియం కొత్త విధానం :
భావి ప్రధాన న్యాయమూర్తులను 2 నెలల ముందుగానే బదిలీ చేసే కొత్త విధానంలో భాగంగా ఈ నియామకం జరిగింది. దీని వల్ల హైకోర్టు వ్యవహారాలపై పూర్తి అవగాహనతో బాధ్యతలు చేపట్టే అవకాశం కలుగుతుంది
- స్ఫూర్తి :
దేశవ్యాప్తంగా న్యాయవృత్తిలోకి రావాలనుకునే మహిళలకు ఆమె నియామకం స్ఫూర్తిదాయకం
జస్టిస్ లిసా గిల్ గారి నియామకంతో ఆంధ్రప్రదేశ్ హైకోర్టులో కొత్త శకం ప్రారంభమైంది. ఉన్నత న్యాయవ్యవస్థలో మహిళా సమానత్వానికి ఇది గొప్ప ముందడుగు.
