​గొంతులో చిక్కుకున్న చికెన్ ఎముక

​గొంతులో చిక్కుకున్న చికెన్ ఎముక: చాకచక్యంగా తొలగించిన కాకతీయ హాస్పిటల్ వైద్యులు

మంచిర్యాల పట్టణంలోని కాకతీయ గ్యాస్ట్రో అండ్ లివర్ హాస్పిటల్ వైద్యులు డాక్టర్ నవీన్ ఆడెపు ఒక మహిళ ప్రాణాపాయాన్ని చాకచక్యంగా తప్పించారు. జైపూర్ మండలం పెగడపల్లి గ్రామానికి చెందిన 45 ఏళ్ల మహిళ నిన్న రాత్రి భోజనం చేస్తుండగా గొంతులో చికెన్ ఎముక ఇరుక్కుపోయి తీవ్ర అస్వస్థతకు గురవ్వగా, కుటుంబ సభ్యులు ఆమెను వెంటనే ఆసుపత్రికి తరలించారు. పరిస్థితిని గమనించిన డాక్టర్ నవీన్ ఎండోస్కోపీ ద్వారా అత్యంత నైపుణ్యంతో ఆ ఎముకను బయటకు తీశారు. దీంతో బాధితురాలు కోలుకోవడంతో పాటు ప్రస్తుతం ఆమె ఆరోగ్యం నిలకడగా ఉందని, ఆసుపత్రి నుండి డిశ్చార్జ్ చేశామని వైద్యులు వెల్లడించగా, బాధితురాలి కుటుంబ సభ్యులు డాక్టర్ నవీన్‌కు ప్రత్యేక కృతజ్ఞతలు తెలిపారు