జ్యోతికి పీహెచ్‌డీ డాక్టరేట్‌.. అభినందనలు తెలిపిన ద్రావిడ విశ్వవిద్యాలయ అధ్యాపకులు

కుప్పం: ద్రావిడ విశ్వవిద్యాలయం, కుప్పంలోని తమిళ భాష మరియు అనువాద అధ్యయనాల విభాగంలో పరిశోధన విద్యార్థి ఈ.ఎన్. జ్యోతికి డాక్టరేట్ (పీహెచ్‌డీ) పట్టా లభించింది. “ఆచార్య సుబ్బు రెట్టియార్ వారి వైష్ణవ సాహిత్య కృషి” అనే అంశంపై ఆమె నిర్వహించిన పరిశోధనకు ఈ డాక్టరేట్ ప్రదానం చేశారు.

తమిళ భాష మరియు అనువాద అధ్యయనాల విభాగాధిపతి డా. పి.ఎస్. గణేష్ మూర్తి పర్యవేక్షణలో ఈ పరిశోధన పూర్తయినట్లు ద్రావిడ విశ్వవిద్యాలయం పరీక్షల నియంత్రణాధికారి డా. నాగేశ్వరరావు శుక్రవారం విడుదల చేసిన ప్రకటనలో తెలిపారు.

డాక్టరేట్ పొందిన ఈ.ఎన్. జ్యోతి ప్రస్తుతం నగరి ప్రభుత్వ డిగ్రీ కళాశాలలో తమిళ అధ్యాపకురాలిగా విధులు నిర్వహిస్తున్నారు.

ఈ సందర్భంగా విశ్వవిద్యాలయ అధ్యాపకులు, పరిశోధకులు, విద్యార్థులు, సిబ్బంది ఈ.ఎన్. జ్యోతికి హృదయపూర్వక అభినందనలు తెలిపారు.