కొత్త పెన్షన్లపై కీలక నిర్ణయం.. సర్టిఫికెట్లు లేకున్నా దరఖాస్తు

తెలంగాణ: కొత్త పెన్షన్ల దరఖాస్తులపై రాష్ట్ర ప్రభుత్వం కీలక నిర్ణయం తీసుకుంది. అవసరమైన ధ్రువీకరణ పత్రాలు అందుబాటులో లేకపోయినా కొత్త పెన్షన్ కోసం దరఖాస్తు చేసుకునేందుకు అవకాశం కల్పించినట్లు సెర్ఫ్ తెలిపింది.

దివ్యాంగులు, ఒంటరి మహిళలు, వితంతువులు తదితర అర్హత కలిగిన లబ్ధిదారులకు రెవెన్యూ కార్యాలయాల్లో ధ్రువీకరణ పత్రాల జారీ ఆలస్యం అవుతున్న నేపథ్యంలో ఈ నిర్ణయం తీసుకున్నట్లు అధికారులు వెల్లడించారు.

సర్టిఫికెట్లు లేకపోయినా దరఖాస్తు చేసుకోవచ్చని, అయితే దరఖాస్తుల పరిశీలన సమయంలో సంబంధిత ధ్రువీకరణ పత్రాలను తప్పనిసరిగా సమర్పించాలని సెర్ఫ్ సూచించింది. అర్హత కలిగిన వారు గడువులోగా దరఖాస్తు చేసుకోవాలని అధికారులు కోరారు.

కొత్త పెన్షన్లకు దరఖాస్తు చేసుకునేందుకు చివరి తేదీ: సెప్టెంబర్ 15, 2026.