లింగపాలెంలో ఘనంగా డా. వైఎస్ రాజశేఖరరెడ్డి వర్ధంతి వేడుకలు

లింగపాలెం: ఏలూరు జిల్లా లింగపాలెం మండల కేంద్రంలోని ప్రధాన సెంటర్‌లో ఉన్న దివంగత ముఖ్యమంత్రి డా. వైఎస్ రాజశేఖరరెడ్డి విగ్రహం వద్ద 17వ వర్ధంతి వేడుకలను వైఎస్సార్ కాంగ్రెస్ పార్టీ మండల అధ్యక్షుడు అన్నపనేని శాంతారావు ఆధ్వర్యంలో ఘనంగా నిర్వహించారు.

ఈ సందర్భంగా వైఎస్సార్ విగ్రహానికి గంగాజలంతో జలాభిషేకం నిర్వహించి, పూలమాలలు వేసి ఘనంగా నివాళులర్పించారు. అనంతరం నాయకులు, కార్యకర్తలు, అభిమానులు వైఎస్ రాజశేఖరరెడ్డి సేవలను స్మరించుకున్నారు.

వైఎస్ రాజశేఖరరెడ్డి ముఖ్యమంత్రిగా రాష్ట్ర అభివృద్ధి, పేదలు, రైతులు, విద్యార్థులు, మహిళల సంక్షేమం కోసం చేపట్టిన పలు కార్యక్రమాలను నాయకులు గుర్తు చేశారు. పేదల సంక్షేమమే లక్ష్యంగా ఆయన అమలు చేసిన పథకాలు ప్రజల జీవితాల్లో గణనీయమైన మార్పు తీసుకువచ్చాయని పేర్కొన్నారు.

వైఎస్సార్ ఆశయాలు, ప్రజా సంక్షేమ విధానాలను కొనసాగించేందుకు ప్రతి ఒక్కరూ కృషి చేయాలని ఈ సందర్భంగా నాయకులు పిలుపునిచ్చారు. కార్యక్రమంలో వైఎస్సార్ కాంగ్రెస్ పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొని వైఎస్సార్‌కు ఘన నివాళులు అర్పించారు.