మాట నిలబెట్టుకున్న వార్డు కౌన్సిలర్ సత్యనారాయణ

మాట నిలబెట్టుకున్న వార్డు కౌన్సిలర్ సత్యనారాయణ

తన ఊరి పాఠశాలలో చదువుతున్న విద్యార్థినీ, విద్యార్థులకు ఒక్కొక్కరికి రూ.1,000 సొంతంగా ఖర్చు చేస్తానని ఇచ్చిన మాటను 6వ వార్డు కౌన్సిలర్ జెరిపోతుల సత్యనారాయణ నిలబెట్టుకున్నారు. గురువారం పాఠశాలలో విద్యార్థినీ, విద్యార్థులకు ఒక జత షూస్, రెండు జతల సాక్స్‌లను ఆయన స్వయంగా అందజేశారు. విద్యార్థుల అవసరాలను గుర్తించి వారికి తన వంతు సహాయం అందించడం పట్ల పలువురు అభినందించారు. ఇచ్చిన మాటను నిలబెట్టుకోవడంతో కౌన్సిలర్ సత్యనారాయణపై విద్యార్థులు, ఉపాధ్యాయులు హర్షం వ్యక్తం చేశారు. విద్యార్థుల విద్యాభివృద్ధికి, వారి అవసరాలకు తన వంతు సహకారం ఎల్లప్పుడూ అందిస్తానని ఈ సందర్భంగా సత్యనారాయణ తెలిపారు.