మంచిర్యాలలో అకాల వర్షం: ప్రజలకు ఉపశమనం.. రైతులకు ఆందోళన
తెలంగాణ
/
మంచిర్యాల
/
మంచిర్యాల
V శ్రీనివాస్
మంచిర్యాల నియోజవర్గ ప్రతినిధి
మంచిర్యాలలో అకాల వర్షం: ప్రజలకు ఉపశమనం.. రైతులకు ఆందోళన
మంచిర్యాల, మే 26: మంచిర్యాల జిల్లా వ్యాప్తంగా మంగళవారం మధ్యాహ్నం వాతావరణం ఒక్కసారిగా చల్లబడింది. గత కొన్ని రోజులుగా తీవ్రమైన ఎండ వేడిమితో అల్లాడుతున్న ప్రజలకు జిల్లాలోని పలుచోట్ల కురిసిన తేలికపాటి జల్లులు కాస్త ఉపశమనాన్ని ఇచ్చాయి. అయితే, ఈ అకాల వర్షం అన్నదాతల్లో తీవ్ర ఆందోళన నింపింది. ప్రస్తుతం ధాన్యం కొనుగోలు కేంద్రాల (ఐకేపీ సెంటర్ల) వద్ద తమ పంటను విక్రయించడానికి వేచి ఉన్న రైతులు, ఈ అకస్మాత్తు వర్షం వల్ల ధాన్యం తడిసి ముద్దవుతుందేమోనని, తద్వారా భారీగా నష్టపోతామని తీవ్ర ఆవేదన వ్యక్తం చేస్తున్నారు. ఒకవైపు వాతావరణం చల్లబడి జనం ఊపిరి పీల్చుకుంటుంటే, మరోవైపు కొనుగోళ్లు ఆలస్యం కావడం వల్లే తమకు ఈ తిప్పలు తప్పడం లేదని రైతులు ఆందోళన చెందుతున్నారు
