మంచిర్యాలలో ముమ్మరంగా పారిశుధ్య పనులు: పర్యవేక్షించిన ఎమ్మెల్యే ప్రేమ్ సాగర్ రావు

​మంచిర్యాలలో ముమ్మరంగా పారిశుధ్య పనులు: పర్యవేక్షించిన ఎమ్మెల్యే ప్రేమ్ సాగర్ రావు

​మంచిర్యాల, మార్చి 16: పట్టణ పారిశుధ్యంపై ప్రత్యేక దృష్టి సారించినట్లు మంచిర్యాల ఎమ్మెల్యే కొక్కిరాల ప్రేమ్ సాగర్ రావు తెలిపారు. ప్రభుత్వ 99 రోజుల ప్రణాళికలో భాగంగా మంచిర్యాల మున్సిపల్ పరిధిలోని 37, 55, 14వ డివిజన్లలో సోమవారం ప్రత్యేక పారిశుధ్య డ్రైవ్ నిర్వహించారు.

​ఈ సందర్భంగా ఎమ్మెల్యే స్వయంగా క్షేత్రస్థాయిలో పర్యటించి జరుగుతున్న పనులను పర్యవేక్షించారు. అనంతరం మున్సిపల్ సిబ్బందితో మాట్లాడి వారి సమస్యలను అడిగి తెలుసుకున్నారు. సిబ్బందికి అన్ని విధాలా అండగా ఉంటామని ఈ సందర్భంగా ఆయన భరోసా ఇచ్చారు.

​నగరాన్ని శుభ్రంగా ఉంచుదాం:

ప్రతి ఒక్కరూ బాధ్యతగా మెలిగి నగరాన్ని శుభ్రంగా ఉంచాలని ఎమ్మెల్యే పిలుపునిచ్చారు. ఈ కార్యక్రమంలో మేయర్, మున్సిపల్ కమిషనర్ మరియు ఇతర ఉన్నతాధికారులు పాల్గొని పారిశుధ్య నిర్వహణపై సిబ్బందికి పలు సూచనలు చేశారు