శ్రీశైలం–హైదరాబాద్ రహదారిపై పెద్దపులి కలకలం.. వాహనదారుల్లో ఆందోళన

శ్రీశైలం–హైదరాబాద్ రహదారిపై పెద్దపులి కలకలం.. వాహనదారుల్లో ఆందోళన

శ్రీశైలం–హైదరాబాద్ ప్రధాన రహదారిపై పెద్దపులి కనిపించడం కలకలం రేపింది. మున్ననూరు నుంచి హైదరాబాద్ వైపు వెళ్తున్న వాహనదారులకు రహదారిపై పెద్దపులి సంచరిస్తూ కనిపించింది. అకస్మాత్తుగా రోడ్డుపైకి వచ్చిన పులిని చూసిన ప్రయాణికులు భయాందోళనకు గురయ్యారు.

కొంతసేపు పులి రహదారిపైనే నడుస్తూ కనిపించడంతో వాహనదారులు తమ వాహనాలను నిలిపివేసి సురక్షిత దూరంలో వేచి చూశారు. అనంతరం పులి సమీప అటవీ ప్రాంతంలోకి వెళ్లిపోయినట్లు ప్రత్యక్ష సాక్షులు తెలిపారు.

ఈ ఘటనను కొందరు ప్రయాణికులు తమ మొబైల్ ఫోన్లలో చిత్రీకరించగా, ఆ వీడియో సామాజిక మాధ్యమాల్లో విస్తృతంగా వైరల్ అవుతోంది. రహదారిపై అడవి జంతువులు సంచరించే అవకాశం ఉన్నందున శ్రీశైలం అటవీ మార్గంలో ప్రయాణించే వారు అప్రమత్తంగా ఉండాలని, రాత్రి వేళల్లో అనవసరంగా వాహనాలను ఆపకుండా, అడవి జంతువులకు దగ్గరగా వెళ్లే ప్రయత్నం చేయవద్దని అధికారులు సూచిస్తున్నారు.