మునుగోడులో రాజగోపాల్ రెడ్డి సంచలన వ్యాఖ్యలు
‘నేను సీఎం అయ్యే సమయం వస్తే బ్రహ్మదేవుడు కూడా ఆపలేడు’
నల్గొండ జిల్లా, మునుగోడు: కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి మరోసారి సంచలన వ్యాఖ్యలు చేశారు. తాను ముఖ్యమంత్రి అయ్యే సమయం వస్తే తనను బ్రహ్మదేవుడు కూడా ఆపలేడని వ్యాఖ్యానించారు.
ఒకవైపు కాంగ్రెస్ పార్టీలో క్రమశిక్షణపై ఢిల్లీలో చర్చలు, హడావుడి కొనసాగుతున్న నేపథ్యంలో.. మునుగోడులో రాజగోపాల్ రెడ్డి చేసిన వ్యాఖ్యలు రాజకీయ వర్గాల్లో చర్చనీయాంశంగా మారాయి.
‘మా ఇంట్లోకి, పార్టీలోకి వచ్చి మమ్మల్ని వెళ్లగొడతామని అంటే ఊరుకోం’ అంటూ ఆయన ఘాటుగా వ్యాఖ్యానించారు. తాను పార్టీలో ఉన్నంతకాలం కాంగ్రెస్ పార్టీని ఎవ్వరూ కబ్జా చేయలేరని అన్నారు.
తన రాజకీయ భవిష్యత్తుపై ధీమా వ్యక్తం చేస్తూ.. ముఖ్యమంత్రి అయ్యే సమయం వచ్చినప్పుడు తనను ఎవరూ అడ్డుకోలేరన్నట్లుగా రాజగోపాల్ రెడ్డి చేసిన వ్యాఖ్యలు కాంగ్రెస్ రాజకీయాల్లో మరోసారి చర్చకు దారితీశాయి.
