ప్రెస్ మీట్‌కైనా అనుమతి ఇస్తారా..? : పవన్ కళ్యాణ్ ప్రశ్న

తెలంగాణలో సభకు అనుమతి నిరాకరించడంపై జనసేన అధినేత, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ స్పందించారు.

“నా ఇంట్లో ప్రెస్ మీట్ పెట్టుకుంటా.. దానికైనా పర్మిషన్ ఇస్తారా లేదా..?” అంటూ తెలంగాణ ప్రభుత్వం, పోలీసు అధికారులను ప్రశ్నిస్తూ ఆయన సోషల్ మీడియాలో పోస్టు చేశారు.

తెలంగాణ ఆవిర్భావ దినోత్సవం సందర్భంగా ఎలాంటి అవాంఛనీయ ఘటనలు, ఉద్రిక్తతలు చోటుచేసుకోకుండా ఉండాలనే ఉద్దేశంతో పవన్ కళ్యాణ్ నిర్వహించాలనుకున్న సభకు తెలంగాణ ప్రభుత్వం అనుమతి నిరాకరించిన విషయం తెలిసిందే.

ఈ నేపథ్యంలో కనీసం తన నివాసంలో మీడియా సమావేశం నిర్వహించుకునేందుకు అయినా అనుమతి ఇస్తారో లేదో చెప్పాలని పవన్ కళ్యాణ్ వ్యాఖ్యానించారు. ఈ అంశం ప్రస్తుతం రాజకీయ వర్గాల్లో చర్చనీయాంశంగా మారింది.