రాష్ట్రంలో 5 వేల ఆలయాల నిర్మాణానికి ప్రభుత్వం భారీ ప్రోత్సాహం
రాష్ట్రంలో ఆలయాల నిర్మాణాన్ని వేగవంతం చేయడానికి ప్రభుత్వం కొత్త ప్రోత్సాహక పథకాన్ని ప్రకటించింది. దేవాదాయ శాఖ మంత్రి ఆనం రామనారాయణ రెడ్డి వెల్లడించిన వివరాల ప్రకారం భూసమాచార ఆధారంగా ఆర్థిక సాయం అందించనున్నారు.
10 సెంట్లలోపు స్థలం ఉంటే రూ.20 లక్షలు, 15 సెంట్లు వరకు రూ.30 లక్షలు, 20 సెంట్లు వరకు రూ.40 లక్షలు ఆలయ నిర్మాణానికి మంజూరు చేయనున్నట్లు తెలిపారు. రామాలయం, శివాలయం లేదా అమ్మవారి ఆలయం ఏది నిర్మించాలనే విషయం స్థానికుల నిర్ణయానికి అనుగుణంగా ఉంటుందని స్పష్టం చేశారు.
ఈ కార్యక్రమంలో భాగంగా ఎమ్మెల్యేలు, ఎంపీలు తమ పరిధిలోని ప్రతిపాదనలు పంపించాల్సి ఉంటుంది. జిల్లా కలెక్టర్లు ప్రభుత్వ భూములు ఎక్కడ అందుబాటులో ఉన్నాయో గుర్తించి నిర్మాణాలకు సహకరించనున్నారు.
శ్రీవాణి ట్రస్ట్ ద్వారా వచ్చే మూడు సంవత్సరాల్లో రాష్ట్రవ్యాప్తంగా సుమారు 5,000 ఆలయాల నిర్మాణం లక్ష్యంగా ప్రభుత్వం ముందుకు సాగుతోంది.
