రావులపాలెం: పెన్షనర్ల సంక్షేమానికి కూటమి ప్రభుత్వం కట్టుబడి ఉంది

రావులపాలెం: పెన్షనర్ల సంక్షేమానికి కూటమి ప్రభుత్వం కట్టుబడి ఉంది

పెన్షనర్స్‌ భవన నిర్మాణానికి ఎమ్మెల్యే బండారు సత్యానందరావు శంకుస్థాపన

రావులపాలెం, ఆగస్టు 23:

విశ్రాంత ఉద్యోగుల సంక్షేమం, గౌరవం, భద్రత కోసం కూటమి ప్రభుత్వం ఎల్లప్పుడూ ముందుంటుందని కొత్తపేట ఎమ్మెల్యే బండారు సత్యానందరావు పేర్కొన్నారు.

రావులపాలెంలో మండల పెన్షనర్స్‌ భవన నిర్మాణానికి ఆదివారం ఎమ్మెల్యే బండారు సత్యానందరావు భూమి పూజ నిర్వహించారు. ఈ సందర్భంగా ఆయన మాట్లాడుతూ సమాజ నిర్మాణంలో ప్రభుత్వ ఉద్యోగుల సేవలు ఎంతో కీలకమని అన్నారు. పదవీ విరమణ అనంతరం కూడా ఉద్యోగుల అనుభవం సమాజానికి ఎంతో ఉపయోగకరమని తెలిపారు.

విశ్రాంత ఉద్యోగుల సమస్యల పరిష్కారానికి ప్రభుత్వం తరఫున అవసరమైన చర్యలు తీసుకుంటామని ఎమ్మెల్యే హామీ ఇచ్చారు. పెన్షనర్లకు గౌరవప్రదమైన వాతావరణం కల్పించేందుకు కృషి చేస్తామని చెప్పారు. భవన నిర్మాణం త్వరితగతిన పూర్తయ్యేలా సహకారం అందిస్తామని తెలిపారు. కార్యక్రమంలో పెన్షనర్స్‌ సంఘం ప్రతినిధులు, నాయకులు, స్థానిక ప్రజాప్రతినిధులు పాల్గొన్నారు.