రక్త పరీక్షలకు ముందు ఈ జాగ్రత్తలు తప్పనిసరి

రక్త పరీక్షలకు ముందు ఈ జాగ్రత్తలు తప్పనిసరి: కొమ్మినేని సూపర్ స్పెషాలిటీ ఆసుపత్రి

చిలకలూరిపేట:పట్టణంలోని కొమ్మినేని సూపర్ స్పెషాలిటీ ఆసుపత్రి యాజమాన్యం రోగుల సంక్షేమం కోసం 'రక్త పరీక్ష సన్నద్ధత తనిఖీ జాబితా'ను విడుదల చేసింది. రక్త పరీక్షలు చేయించుకునే వారు ఖచ్చితమైన ఫలితాల కోసం కొన్ని ముఖ్యమైన నియమాలు పాటించాలని వైద్యులు సూచిస్తున్నారు. పరీక్షకు ముందు 8-12 గంటల పాటు ఉపవాసం ఉండాలని (కేవలం నీరు మాత్రమే తాగవచ్చు), పరీక్షకు 72 గంటల ముందు మద్యం మరియు 2 గంటల ముందు ధూమపానం చేయకూడదని తెలిపారు. అలాగే 24 గంటల ముందు వరకు కఠినమైన వ్యాయామాలు చేయవద్దని, పరీక్ష రోజు ఉదయం విటమిన్లు లేదా సప్లిమెంట్లు తీసుకోకూడదని పేర్కొన్నారు.పరీక్షకు ముందు రోజు రాత్రి 7-8 గంటలు ప్రశాంతంగా నిద్రపోవాలని, ప్రస్తుతం వాడుతున్న అన్ని మందుల వివరాలను వైద్యుడికి ముందే తెలియజేయాలని సూచించారు. జ్వరం లేదా ఇతర తాత్కాలిక అనారోగ్యాలు ఉన్నప్పుడు పరీక్షలు చేయించుకోవద్దని, పదేపదే పరీక్షలు చేసుకునే వారు ప్రతిసారీ ఒకే సమయానికి పరీక్షను షెడ్యూల్ చేసుకోవాలని స్పష్టం చేశారు. పాత నివేదికలతో పోల్చి చూసేందుకు మునుపటి రిపోర్టులను కూడా వెంట తీసుకురావాలని కోరారు. మరింత సమాచారం కోసం  906-907-7676  నంబర్‌లో సంప్రదించవచ్చని ఆసుపత్రి వర్గాలు తెలిపాయి.