పెనుగొలనులో ఆషాఢ మాసం సందర్భంగా అంగన్వాడి చిన్నారులకు గోరింటాకు

పెనుగొలనులో ఆషాఢ మాసం సందర్భంగా అంగన్వాడి చిన్నారులకు గోరింటాకు

జూలై 21: ఎన్టీఆర్ జిల్లా తిరువూరు నియోజకవర్గం గంపలగూడెం మండలం పెనుగొలను 99వ కోడ్ అంగన్వాడి కేంద్రంలో ఆషాఢ మాసాన్ని పురస్కరించుకుని మంగళవారం చిన్నారులకు గోరింటాకు కార్యక్రమం నిర్వహించారు.

అంగన్వాడి సిబ్బంది చిన్నారుల చేతులకు అందమైన డిజైన్లతో గోరింటాకు పెట్టి ఆనందపరిచారు. ఈ సందర్భంగా అంగన్వాడి టీచర్ కే. లింగమ్మ మాట్లాడుతూ, ఆషాఢ మాసంలో గోరింటాకు పెట్టుకోవడం కేవలం సంప్రదాయం మాత్రమే కాదని, దీని వెనుక ఆరోగ్యపరమైన ప్రయోజనాలు కూడా ఉన్నాయని తెలిపారు.

గోరింటాకు శరీరంలోని వేడిని తగ్గించడంలో తోడ్పడటంతో పాటు రోగనిరోధక శక్తి పెంపొందేందుకు ఉపయోగపడుతుందని చిన్నారులకు వివరించారు. కార్యక్రమంలో అంగన్వాడి సిబ్బంది, చిన్నారులు ఉత్సాహంగా పాల్గొన్నారు.