సాంఘిక సంక్షేమ బాలుర గురుకులాల్లో ఖాళీ సీట్ల భర్తీకి ఈనెల 24న స్పాట్ కౌన్సిలింగ్
సాంఘిక సంక్షేమ బాలుర గురుకులాల్లో ఖాళీ సీట్ల భర్తీకి ఈనెల 24న స్పాట్ కౌన్సిలింగ్
ఖమ్మం జిల్లా ముదిగొండ సాంఘిక సంక్షేమ బాలుర గురుకులంలో ఈ విద్యా సంవత్సరానికి గాను ఇంటర్మీడియట్ ప్రథమ సంవత్సరం, 5వ తరగతి నుంచి 9వ తరగతి వరకు ఖాళీగా ఉన్న సీట్ల భర్తీకి ప్రత్యేక స్పాట్ కౌన్సిలింగ్ నిర్వహించనున్నట్లు ప్రిన్సిపల్ డాక్టర్ తేజావత్ రాములు తెలిపారు.
ఖమ్మం జిల్లాలోని సత్తుపల్లి, తిరుమలాయపాలెం, ముదిగొండ సాంఘిక సంక్షేమ బాలుర గురుకులాల్లో ఖాళీగా ఉన్న సీట్లను భర్తీ చేసేందుకు ఈనెల 24వ తేదీ సోమవారం ఖమ్మం నగరంలోని బొమ్మ కాలేజీ (ఈనాడు కార్యాలయం వెనుక, పుట్టకోట రోడ్డు)లో ఉన్న తిరుమలాయపాలెం బాలుర గురుకులంలో స్పాట్ కౌన్సిలింగ్ నిర్వహించనున్నట్లు వెల్లడించారు.
సీట్లు పొందాలనుకునే విద్యార్థులు ఉదయం 10 గంటలకు జరిగే కౌన్సిలింగ్‌కు హాజరై కులం, ఆదాయం, స్టడీ తదితర అందుబాటులో ఉన్న ధ్రువపత్రాలను తీసుకురావాలని సూచించారు.
మరిన్ని వివరాలకు 79950100608 ఫోన్ నంబర్‌లో సంప్రదించాలని ప్రిన్సిపల్ తెలిపారు.
