సంగారెడ్డి జిల్లాలో ఎస్సీ, ఎస్టీ కమిషన్ పర్యటన

సంగారెడ్డి, సెప్టెంబర్ 24: తెలంగాణ ఎస్సీ, ఎస్టీ కమిషన్ చైర్మన్ బక్కి వెంకయ్యతో పాటు ఐదుగురు సభ్యులు గురువారం సంగారెడ్డి జిల్లాలో పర్యటించనున్నారు. పర్యటనలో భాగంగా ఉదయం 10:30 గంటలకు కలెక్టరేట్ గ్రీవెన్స్ హాల్‌లో జిల్లా అధికారులతో సమీక్ష సమావేశం నిర్వహించనున్నారు.

ఈ సమావేశంలో ఎస్సీ, ఎస్టీలకు సంబంధించిన భూ సమస్యలు, అట్రాసిటీ కేసులు, రోస్టర్ అమలు, బ్యాక్‌లాగ్ ఖాళీల భర్తీ తదితర అంశాలపై సమీక్ష నిర్వహించనున్నట్లు సమాచారం.

సంబంధిత శాఖల అధికారులు తమ పరిధిలోని అంశాలకు సంబంధించిన తాజా వివరాలు, నివేదికలతో సమావేశానికి హాజరు కావాలని జిల్లా కలెక్టర్ ప్రతీక్ జైన్ సూచించారు.

సమావేశంలో జిల్లాలో ఎస్సీ, ఎస్టీలకు సంబంధించిన సమస్యలు, వాటి పరిష్కారానికి తీసుకుంటున్న చర్యలపై అధికారులతో కమిషన్ సభ్యులు చర్చించనున్నారు.