తిరువూరు ప్రభుత్వ డిగ్రీ కళాశాల సందర్శించిన ఎమ్మెల్యే

తిరువూరు ప్రభుత్వ డిగ్రీ కళాశాల సందర్శించిన ఎమ్మెల్యే కొలికపూడి శ్రీనివాసరావు

తిరువూరు : స్థానిక ప్రభుత్వ డిగ్రీ కళాశాలను గురువారం ఎమ్మెల్యే కొలికపూడి శ్రీనివాసరావు సందర్శించారు. కళాశాలలో ప్రారంభానికి సిద్ధంగా ఉన్న నూతన భవనాలను పరిశీలించారు.

ఈ సందర్భంగా ఎమ్మెల్యే విద్యార్థినీ, విద్యార్థులతో ముచ్చటించారు. క్రమశిక్షణతో చదువుకుని ఉన్నత లక్ష్యాలను సాధించాలని సూచించారు. విద్యార్థులు విద్యతో పాటు నైపుణ్యాలను పెంపొందించుకుని భవిష్యత్తులో మంచి స్థాయికి చేరుకోవాలని ఆకాంక్షించారు.

కళాశాల అభివృద్ధికి అవసరమైన సహాయ సహకారాలు అందిస్తామని ఎమ్మెల్యే తెలిపారు.

ఈ కార్యక్రమంలో కళాశాల ప్రిన్సిపాల్ శ్రీనివాసరావు, వైస్ ప్రిన్సిపాల్ రంగారావు, అధ్యాపకులు పాల్గొన్నారు.