వెంకట్రావుపేటలో గ్రంథాలయాన్ని త్వరగా ప్రారంభించాలి

వెంకట్రావుపేటలో గ్రంథాలయాన్ని త్వరగా ప్రారంభించాలి

వెంకట్రావుపేట: భారతీయ జనతా పార్టీ గ్రామ శాఖ ఆధ్వర్యంలో వెంకట్రావుపేట గ్రామంలో నూతనంగా నిర్మించిన గ్రంథాలయాన్ని వెంటనే ప్రారంభించి విద్యార్థులు, నిరుద్యోగ యువతకు అందుబాటులోకి తీసుకురావాలని కోరుతూ గ్రామ పంచాయతీ కార్యదర్శికి వినతిపత్రం అందజేశారు.

ఈ సందర్భంగా బీజేపీ నాయకులు మాట్లాడుతూ ప్రస్తుతం వివిధ ప్రభుత్వ ఉద్యోగాలకు సంబంధించిన పోటీ పరీక్షల నోటిఫికేషన్లు వెలువడుతున్న నేపథ్యంలో గ్రామంలోని నిరుద్యోగ యువత, పోటీ పరీక్షలకు సిద్ధమవుతున్న విద్యార్థులు, పోలీస్ ఉద్యోగ అభ్యర్థులకు గ్రంథాలయం ఎంతో ఉపయోగకరంగా ఉంటుందని తెలిపారు.

గ్రంథాలయంలో అవసరమైన పుస్తకాలు, పోటీ పరీక్షల మెటీరియల్, దినపత్రికలు అందుబాటులో ఉంచి, వీలైనంత త్వరగా ప్రారంభించాలని వారు కోరారు. గ్రామ యువత భవిష్యత్తును దృష్టిలో పెట్టుకుని గ్రంథాలయాన్ని ఆలస్యం చేయకుండా అందుబాటులోకి తీసుకురావాలని భారతీయ జనతా పార్టీ నాయకులు డిమాండ్ చేశారు.