తల్లాడలో ఘనంగా వినాయక చవితి నవరాత్రి ఉత్సవాలు

తల్లాడ, సత్తుపల్లి నియోజకవర్గం: తల్లాడ పట్టణంలోని శ్రీ వాసవి కన్వెన్షన్ హాల్‌లో ఆర్య వైశ్య సంఘం ఆధ్వర్యంలో నిర్వహిస్తున్న వినాయక చవితి నవరాత్రి ఉత్సవాలు భక్తిశ్రద్ధలతో కొనసాగుతున్నాయి.

ఉత్సవాల్లో భాగంగా ఏర్పాటు చేసిన గణనాథుడికి వైరా మార్కెట్ కమిటీ వైస్ చైర్మన్ కాపా సుధాకర్, ఆర్య వైశ్య మండల సంఘం అధ్యక్షుడు, రాష్ట్ర కార్యవర్గ సభ్యుడు నంబూరు మోహన్ రావు ప్రత్యేక పూజలు నిర్వహించారు.

ఈ సందర్భంగా గణనాథుడిని దర్శించుకుని ప్రజలందరికీ విఘ్నాలు తొలగి, ఆయురారోగ్యాలు, సుఖసంతోషాలు, శాంతి, సమృద్ధి కలగాలని ప్రార్థించారు.

కార్యక్రమంలో వేమిశెట్టి వెంకటేశ్వరరావు, కాపా మహేష్, నంబూరు కనకయ్య, గుండ్ల వెంకటేశ్వర్లు, వేమిశెట్టి నాగన్న, నంబూరి నాగేశ్వరరావు, జవాజీ పెద్ద నాగేష్, శ్రీను, వేమిశెట్టి శంకర్, తాళ్ల వెంకటేశ్వర్లు తదితరులతో పాటు భక్తులు పాల్గొన్నారు.