అంబేద్కర్పై అనుచిత వ్యాఖ్యల ఆరోపణలు..
అంబేద్కర్పై అనుచిత వ్యాఖ్యల ఆరోపణలు.. చర్యలు తీసుకోవాలని మాల మహానాడు డిమాండ్
అన్నమయ్య జిల్లా – పుంగనూరు: భారత రాజ్యాంగ నిర్మాత డాక్టర్ బి.ఆర్. అంబేద్కర్పై హమారా ప్రసాద్ అనుచిత వ్యాఖ్యలు చేశారని ఆరోపిస్తూ పుంగనూరు మాల మహానాడు కమిటీ ఆగ్రహం వ్యక్తం చేసింది. ఆయనపై కేసు నమోదు చేసి చట్టపరమైన చర్యలు తీసుకోవాలని డిమాండ్ చేసింది.
ఈ మేరకు మాల మహానాడు రాష్ట్ర ఉపాధ్యక్షుడు, పుంగనూరు పట్టణ అధ్యక్షుడు ఏడూరి శ్రీనివాసులు మాల మహానాడు కార్యాలయంలో మీడియా సమావేశం నిర్వహించారు. ఈ సందర్భంగా ఆయన మాట్లాడుతూ.. అంబేద్కర్ను అవమానించడం రాజ్యాంగాన్ని అవమానించడమేనని పేర్కొన్నారు.
అప్పటి పరిస్థితుల్లో దేశంలోని అన్ని వర్గాల అవసరాలను దృష్టిలో ఉంచుకుని డాక్టర్ బి.ఆర్. అంబేద్కర్ రాజ్యాంగంలో అనేక అంశాలను పొందుపరిచారని తెలిపారు. కొందరు ఉద్దేశపూర్వకంగా రాజ్యాంగం, అంబేద్కర్పై అనుచిత వ్యాఖ్యలు చేస్తున్నారని ఆరోపించారు.
అంబేద్కర్ గురించి మాట్లాడేటప్పుడు బాధ్యతగా వ్యవహరించాలని, అనుచిత వ్యాఖ్యలు పునరావృతం కాకుండా చూడాలని కోరారు. హమారా ప్రసాద్పై సంబంధిత చట్టాల కింద కేసు నమోదు చేసి చట్టపరమైన చర్యలు తీసుకోవాలని పోలీసులను డిమాండ్ చేశారు.
ఈ కార్యక్రమంలో మాల మహానాడు రాష్ట్ర ఉపాధ్యక్షుడు అశోక్, రియాజ్, పరమేష్, షమీ ఉల్లా, ఏడూరి శ్రీనివాసులు తదితరులు పాల్గొన్నారు.
