బెంగళూరు: నోట్లో గోల్డ్ క్యాప్సూల్స్.. ఎయిర్పోర్టులో పట్టుబడ్డ ప్రయాణికుడు
అంతర్జాతీయం
గడ్డం జగన్మోహన్ రెడ్డి
ఆంధ్రప్రదేశ్ స్టేట్ బ్యూరో
బెంగళూరు: నోట్లో గోల్డ్ క్యాప్సూల్స్.. ఎయిర్పోర్టులో పట్టుబడ్డ ప్రయాణికుడు
దుబాయ్ నుంచి బెంగళూరులోని కెంపేగౌడ అంతర్జాతీయ విమానాశ్రయానికి చేరుకున్న ఓ ప్రయాణికుడు అక్రమంగా బంగారం తరలిస్తూ పట్టుబడ్డాడు.
బెంగళూరు నుంచి ఘాజియాబాద్కు వెళ్లేందుకు సిద్ధమైన ఆ ప్రయాణికుడి ప్రవర్తనపై అనుమానం వచ్చిన సీఐఎస్ఎఫ్ సిబ్బంది అతడిని అదుపులోకి తీసుకుని తనిఖీలు నిర్వహించారు.
ఈ క్రమంలో అతడి నోటిలో దాచుకున్న బంగారు క్యాప్సూల్స్ను గుర్తించారు. నిబంధనలకు విరుద్ధంగా బంగారాన్ని తరలిస్తున్నట్లు నిర్ధారించిన అధికారులు వాటిని స్వాధీనం చేసుకున్నారు.
ప్రయాణికుడిని అదుపులోకి తీసుకుని తదుపరి విచారణ కోసం కస్టమ్స్ అధికారులకు అప్పగించారు. బంగారం విలువ, అక్రమ రవాణా వెనుక ఉన్న వ్యక్తుల వివరాలపై అధికారులు ఆరా తీస్తున్నారు.
