బీరంగుడా నుంచి క్రిష్టారెడ్డి పేట వరకు స్ట్రీట్ లైట్స్ మరమ్మతులు పూర్తి

బీరంగుడా నుంచి క్రిష్టారెడ్డి పేట వరకు స్ట్రీట్ లైట్స్ మరమ్మతులు పూర్తి - స్థానికుల్లో హర్షం

బీరంగుడా నుంచి క్రిష్టారెడ్డి పేట వరకు ఉన్న ప్రధాన రహదారిపై సుదీర్ఘ కాలంగా వెలగని స్ట్రీట్ లైట్లను ఎట్టకేలకు అధికారులు మరమ్మతులు చేయించారు. గత కొంతకాలంగా ఈ ప్రాంతంలో వీధి దీపాలు వెలగకపోవడంతో స్థానికులు, వాహనదారులు తీవ్ర ఇబ్బందులు ఎదుర్కొన్నారు. చీకటి కారణంగా ప్రమాదాలు జరిగే అవకాశం ఉందని, రాత్రి వేళల్లో ప్రయాణం క్లిష్టంగా మారిందని స్థానికులు ఆందోళన వ్యక్తం చేశారు.

ఈ సమస్యపై వచ్చిన ఫిర్యాదులను పరిగణనలోకి తీసుకున్న అధికారులు, వెంటనే స్పందిించి మరమ్మతు పనులను చేపట్టారు. సంబంధిత విభాగానికి చెందిన సిబ్బంది, క్రేన్ మరియు అవసరమైన పరికరాలతో స్ట్రీట్ లైట్లను తనిఖీ చేసి, సాంకేతిక లోపాలను సరిదిద్దారు. చెడిపోయిన బల్బులను మార్చి, వైరింగ్ సమస్యలను పరిష్కరించారు.

ప్రస్తుతం బీరంగుడా నుంచి క్రిష్టారెడ్డి పేట వరకు ఉన్న అన్ని స్ట్రీట్ లైట్లు పనిచేస్తున్నాయని, దీంతో రాత్రి వేళల్లో ఈ ప్రాంతం సురక్షితంగా మారిందని అధికారులు తెలిపారు. స్ట్రీట్ లైట్లు తిరిగి వెలగడంపై స్థానికులు సంతోషం వ్యక్తం చేస్తున్నారు. అధికారుల వేగవంతమైన చర్యలను వారు అభినందిస్తున్నారు.