రసాయన లీకేజీతో జాతీయ రహదారిపై ఇబ్బందులు

రసాయన లీకేజీతో జాతీయ రహదారిపై ఇబ్బందులు

 నల్గొండ జిల్లా చిట్యాల మండలం సమీపంలోని హానర్ ల్యాబ్‌ నుంచి బయటకు వెళ్లిన ఓ ట్యాంకర్‌ నుంచి విషపూరిత స్థానికులు రసాయనాలు రోడ్డుపై పడటంతో వాహనదారులు, స్థానికులు తీవ్ర ఇబ్బందులు ఎదుర్కొన్నారు. రసాయనాలు రోడ్డుపై చిందడంతో పరిసర ప్రాంతాల్లో ఘాటైన వాసన వ్యాపించి, జాతీయ రహదారిపై ప్రయాణిస్తున్న వాహనదారులు ఇబ్బందులకు గురయ్యారు. ట్యాంకర్‌ నుంచి రసాయనాలు రోడ్డుపై పడుతున్నప్పటికీ సంబంధిత అధికారులు, కంపెనీ యాజమాన్యం తగిన జాగ్రత్తలు తీసుకోవడంపై స్థానికులు ఆందోళన వ్యక్తం చేస్తున్నారు. ప్రమాదకర రసాయనాల రవాణాలో నిబంధనలు పాటించకపోతే ప్రజల ప్రాణాలకు ముప్పు వాటిల్లే అవకాశం ఉందని వారు పేర్కొన్నారు. వెలిమినేడు, చిట్యాల పరిసర ప్రాంతాల్లో గతంలో కూడా రసాయనాలను తరలించే ట్యాంకర్ల కారణంగా ఇబ్బందులు ఎదుర్కొన్నామని స్థానికులు ఆవేదన వ్యక్తం చేశారు. తరచూ ఇలాంటి ఘటనలు పునరావృతం కాకుండా రసాయన పరిశ్రమలు, ట్యాంకర్ల రవాణాపై అధికారులు ప్రత్యేక నిఘా ఏర్పాటు చేయాలని డిమాండ్ చేశారు. ప్రజలకు ఇబ్బంది కలిగించే విధంగా రసాయనాలు రోడ్డుపై పడిన ఘటనపై సంబంధిత అధికారులు వెంటనే స్పందించి, బాధ్యులపై చర్యలు తీసుకోవడంతో పాటు భద్రతా ప్రమాణాలను కఠినంగా అమలు చేయాలని స్థానికులు కోరుతున్నారు.