చింతలపూడి ప్రభుత్వ ఆసుపత్రిలో ఓపీ నమోదు ఉద్యోగి నిర్లక్ష్యం..?

చింతలపూడి ప్రభుత్వ ఆసుపత్రిలో ఓపీ నమోదు ఉద్యోగి నిర్లక్ష్యం..?

నూజివీడు డివిజన్ రిపోర్టర్ అమెర్ల ధర్మా రావు 

ఏలూరు జిల్లా చింతలపూడి ప్రభుత్వ ఆసుపత్రిలో ఓపీ నమోదు చేసే ఉద్యోగి నిర్లక్ష్యంగా వ్యవహరించారని రోగులు ఆరోపిస్తున్నారు.

మధ్యాహ్నం 12:45 గంటల సమయంలో వైద్యులు భోజన విరామానికి వెళ్లేలోపు వైద్యులను కలిసేందుకు రోగులు క్యూ లైన్‌లో వేచి ఉండగా, ఓపీ నమోదు చేయాల్సిన ఉద్యోగి విధులు నిర్వహించకుండా ఫోన్‌లో వ్యక్తిగతంగా మాట్లాడుకుంటూ రోగులను నిరీక్షించేలా చేశారని వారు తెలిపారు.

అంతేకాకుండా, ఓపీ నమోదు త్వరగా చేయాలని కోరిన రోగులపై సదరు ఉద్యోగి దురుసుగా ప్రవర్తించారని ఆరోపణలు వినిపిస్తున్నాయి. ఈ ఘటనతో చికిత్స కోసం వచ్చిన పలువురు రోగులు అసంతృప్తి వ్యక్తం చేశారు.

ప్రభుత్వ ఆసుపత్రుల్లో ప్రజలకు వేగవంతమైన, మర్యాదపూర్వక సేవలు అందించాలని ప్రభుత్వం సూచిస్తున్నప్పటికీ, ఇలాంటి ఘటనలు రోగులకు ఇబ్బందులు కలిగిస్తున్నాయని స్థానికులు పేర్కొన్నారు.

ఈ ఘటనపై జిల్లా వైద్య ఆరోగ్య శాఖ అధికారులు స్పందించి, పూర్తి స్థాయిలో విచారణ జరిపి, వాస్తవాలు నిర్ధారించి, నిర్లక్ష్యం జరిగినట్లు తేలితే బాధ్యులపై తగిన చర్యలు తీసుకోవాలని రోగులు, స్థానికులు కోరుతున్నారు.