అంగన్వాడీలకు సోలార్ విద్యుత్ సదుపాయం: భట్టి విక్రమార్క ఆదేశాలు
అంగన్వాడీలకు సోలార్ విద్యుత్ సదుపాయం: భట్టి విక్రమార్క ఆదేశాలు
హైదరాబాద్, జూలై 19: తెలంగాణలోని అన్ని అంగన్వాడీ కేంద్రాలకు దశలవారీగా సోలార్ విద్యుత్ సదుపాయం కల్పించేందుకు వెంటనే కార్యాచరణ ప్రణాళిక రూపొందించాలని ఉప ముఖ్యమంత్రి భట్టి విక్రమార్క అధికారులను ఆదేశించారు.
శనివారం నిర్వహించిన విద్యుత్ శాఖ సమీక్ష సమావేశంలో ఆయన మాట్లాడుతూ, భూమి కొరత ఉన్న హైదరాబాద్ ఐటీ కారిడార్ ప్రాంతంలో ఫ్లైఓవర్ల కింద విద్యుత్ సబ్స్టేషన్లు ఏర్పాటు చేసే అవకాశాలను పరిశీలించాలని సూచించారు.
విద్యుత్ సమస్యలను అత్యవసరంగా పరిష్కరించేందుకు 108 సేవల తరహాలో 'పవర్ అంబులెన్స్' సేవలను త్వరలో ప్రారంభించనున్నట్లు తెలిపారు.
ఎల్నినో ప్రభావంతో విద్యుత్ వినియోగం పెరిగే అవకాశాలు ఉన్నందున, రాష్ట్రంలో విద్యుత్ సరఫరాలో ఎలాంటి అంతరాయం లేకుండా ముందస్తు చర్యలు తీసుకోవాలని అధికారులను ఆదేశించారు.
