చిన్నారి అభిమాని చిరుకోరిక తీర్చిన పవన్ కళ్యాణ్
వరంగల్లో నిరంజన్ను పరామర్శించిన ఉప ముఖ్యమంత్రి
వరంగల్: అరుదైన జన్యుపరమైన వ్యాధితో బాధపడుతున్న 17 ఏళ్ల అభిమాని నిరంజన్ను ఆంధ్రప్రదేశ్ ఉప ముఖ్యమంత్రి, జనసేన అధ్యక్షుడు పవన్ కళ్యాణ్ వరంగల్లోని అతని నివాసంలో పరామర్శించారు.
చిన్నారి చివరి కోరిక మేరకు స్వయంగా ఇంటికి వెళ్లిన ఆయన, ఆరోగ్య పరిస్థితిని తల్లిదండ్రుల వద్ద తెలుసుకున్నారు. వైద్య ఖర్చుల కోసం రూ.1 లక్ష ఆర్థిక సాయం అందజేశారు. ధైర్యంగా ఉండాలని కుటుంబ సభ్యులకు భరోసా ఇచ్చారు.
తిరుమల వెంకటేశ్వరస్వామి తీర్థప్రసాదాలు, అక్షతలు అందించి చిన్నారిని ఆశీర్వదించారు. చిన్నారి ఆరోగ్యం కోసం వరంగల్ భద్రకాళి ఆలయంలో ప్రత్యేక పూజలు నిర్వహిస్తానని తెలిపారు.
మంచానికే పరిమితమైన నిరంజన్తో కొంత సమయం గడిపి ఆత్మీయంగా పలకరించారు. కుటుంబ జీవనోపాధి మెరుగుపర్చేందుకు క్యాంటీన్ ఏర్పాటు దిశగా సూచనలు చేశారు.
పరామర్శ అనంతరం భద్రకాళి ఆలయానికి ఆయన బయలుదేరారు.
