చిన్నంపేట గ్రామ సచివాలయంలో మరుగుదొడ్డి నిర్మాణానికి వినతి

చిన్నంపేట గ్రామ సచివాలయంలో మరుగుదొడ్డి నిర్మాణానికి వినతి

ఏలూరు జిల్లా నూజివీడు నియోజకవర్గం చాట్రాయి మండలంలో ప్రజా సమస్యల పరిష్కార వేదికలో సోమవారం ముఖ్య సమస్యను ప్రస్తావిస్తూ ఆంధ్రప్రదేశ్ వ్యవసాయ కార్మిక సంఘం మండల కార్యదర్శి కొమ్ము ఆనందం ఎండిఓ/ఎంపీడీవో ని కలిసి వినతిపత్రం సమర్పించారు.

ఈ సందర్భంగా ఆయన మాట్లాడుతూ చిన్నంపేట గ్రామ సచివాలయం నిర్మాణం జరిగి ఎన్నో సంవత్సరాలు గడిచినా ఇప్పటికీ అక్కడ ప్రాథమిక వసతి అయిన మరుగుదొడ్డి సౌకర్యం లేకపోవడం బాధాకరమన్నారు. దీంతో సచివాలయానికి వచ్చే ప్రజలు, అక్కడ పనిచేసే సిబ్బంది తీవ్ర ఇబ్బందులు ఎదుర్కొంటున్నారని తెలిపారు.

అందువల్ల వెంటనే చిన్నంపేట గ్రామ సచివాలయంలో మరుగుదొడ్డి నిర్మాణం చేపట్టి సమస్యను పరిష్కరించాలని సంబంధిత అధికారులను కోరారు.

ఈ కార్యక్రమంలో చిన్నంపేట టిడిపి నాయకులు కొమ్ము సుజన్ రావు పాల్గొన్నారు.