వీరేశానికి మంత్రి హోదా నకిరేకల్ అభివృద్ధికి శుభసూచిక : మున్సిపల్ ఛైర్పర్సన్ పందిరి గీత
వీరేశానికి మంత్రి హోదా నకిరేకల్ అభివృద్ధికి శుభసూచిక : మున్సిపల్ ఛైర్పర్సన్ పందిరి గీత
నకిరేకల్ ఎమ్మెల్యే, ప్రభుత్వ విప్ వేముల వీరేశం తెలంగాణ రాష్ట్ర ప్రభుత్వం మంత్రి హోదా కల్పించడం నకిరేకల్ నియోజకవర్గ అభివృద్ధికి శుభసూచికమని చిట్యాల మున్సిపల్ ఛైర్పర్సన్ పందిరి గీతా రమేష్ అన్నారు. ఎమ్మెల్యే వీరేశం గారికి మంత్రి హోదా దక్కడం పట్ల చిట్యాల పురపాలక వర్గం మరియు స్థానిక కాంగ్రెస్ పార్టీ నాయకులు తీవ్ర హర్షం వ్యక్తం చేశారు. ఈ సందర్భంగా చిట్యాల మున్సిపల్ ఛైర్పర్సన్ పందిరి గీతా రమేష్, పట్టణ కాంగ్రెస్ పార్టీ అధ్యక్షులు ఎద్దులపురి కృష్ణ ఎమ్మెల్యేను మర్యాదపూర్వకంగా కలసి హృదయపూర్వక శుభాకాంక్షలు తెలియజేశారు. ఈ సందర్భంగా ఛైర్పర్సన్ మాట్లాడుతూ నియోజకవర్గ సమగ్ర అభివృద్ధికి రాత్రింబవళ్లు నిరంతరం శ్రమిస్తున్న వీరేశం గారికి ప్రభుత్వంలో తగిన గుర్తింపు లభించిందని కొనియాడారు. ఆయనకు మంత్రి హోదా దక్కడం ద్వారా నకిరేకల్ నియోజకవర్గం మరింత శీఘ్రగతిన అభివృద్ధి చెందుతుందని నాయకులు ఈ సందర్భంగా ధీమా వ్యక్తం చేశారు. ఈ కార్యక్రమంలో కౌన్సిలర్లు దేశపాక లత రాజేష్, జెరిపోతుల సత్యనారాయణ, నాగిళ్ల సుధాకర్ లతో పాటు స్థానిక కాంగ్రెస్ పార్టీ నాయకులు, కార్యకర్తలు పెద్ద సంఖ్యలో పాల్గొన్నారు.
