డ్రోన్ కెమెరాలతో అక్రమాలపై పెనమలూరు పోలీసుల కఠిన నిఘా

డ్రోన్ కెమెరాలతో అక్రమాలపై పెనమలూరు పోలీసుల కఠిన నిఘా

పెనమలూరు పోలీస్ స్టేషన్ పరిధిలో చట్ట విరుద్ధ కార్యకలాపాలపై పోలీసులు నిఘాను మరింత కట్టుదిట్టం చేశారు. వణుకూరు, వైకుంఠపురం ప్రాంతాల్లో కోడిపందాలు, పేకాట వంటి అక్రమాలు జరిగే అవకాశమున్న ప్రదేశాలను ముందస్తుగా గుర్తించి ప్రత్యేక చర్యలు చేపట్టారు.

జిల్లా ఎస్పీ వి. విద్యాసాగర్ నాయుడు ఆదేశాల మేరకు, గన్నవరం డిఎస్పీ శ్రీనివాసరావు, పెనమలూరు ఇన్స్పెక్టర్ వెంకటరమణ పర్యవేక్షణలో ఆధునిక సాంకేతిక పరిజ్ఞానం వినియోగిస్తున్నారు. ఈ క్రమంలో డ్రోన్ కెమెరాల సహాయంతో అనుమానాస్పద ప్రాంతాలను గగనతలం నుండి పరిశీలిస్తూ పోలీసులు నిరంతర నిఘా కొనసాగిస్తున్నారు.

అక్రమ కార్యకలాపాలు ఎక్కడైనా జరిగే అవకాశమున్న ప్రాంతాల్లో ముందస్తుగా కట్టడి చర్యలు తీసుకుంటున్నట్లు అధికారులు తెలిపారు. ప్రజలు చట్ట విరుద్ధ కార్యక్రమాలకు దూరంగా ఉండాలని, అనుమానాస్పద విషయాలు గమనించిన వెంటనే సమీప పోలీస్ స్టేషన్‌కు సమాచారం అందించాలని విజ్ఞప్తి చేశారు.