తిరుమలలో స్వల్పంగా తగ్గిన భక్తుల రద్దీ

• ఉచిత దర్శనానికి 8 నుంచి 10 గంటల సమయం హుండీ ఆదాయం రూ.4.84 కోట్లు 

తిరుమల, అక్టోబర్ 28: తిరుమల శ్రీ వేంకటేశ్వర స్వామివారి దర్శనానికి వచ్చే భక్తుల రద్దీ స్వల్పంగా తగ్గింది. ఉచిత సర్వదర్శనం కోసం భక్తులు 10 కంపార్ట్మెంట్లలో వేచి ఉన్నారు. ఉదయం 8 గంటల తర్వాత దర్శనానికి వెళ్లే భక్తులకు స్వామివారి దర్శనం పూర్తవడానికి సుమారు 8 నుంచి 10 గంటల సమయం పడుతోంది. రూ.300 ప్రత్యేక ప్రవేశ దర్శనం చేసుకునే భక్తులకు 1 నుంచి 3 గంటల సమయం పడుతోంది. నిన్న 79,774 మంది భక్తులకు దర్శనం తిరుమలలో మంగళవారం స్వామివారిని మొత్తం 79,774 మంది భక్తులు దర్శించుకున్నారు. వీరిలో 21,886 మంది భక్తులు తలనీలాలు సమర్పించి మొక్కులు చెల్లించుకున్నారు. స్వామివారి హుండీ ద్వారా రూ.4.84 కోట్ల ఆదాయం లభించింది. భక్తుల సౌకర్యార్థం విక్రయించిన లడ్డూల సంఖ్య 4.01 లక్షలకు చేరింది. 2.04 లక్షల మందికి అన్నప్రసాదం తిరుమలలో 2.04 లక్షల మంది భక్తులు అన్నప్రసాదాలు స్వీకరించారు. వివిధ కారణాలతో అస్వస్థతకు గురైన 3,072 మంది భక్తులు వైద్య చికిత్స పొందారు. భక్తులకు ఇబ్బందులు కలగకుండా దర్శనం, అన్నప్రసాదం, వైద్య సేవలు అందించేందుకు తిరుమల తిరుపతి దేవస్థానం ఏర్పాట్లు కొనసాగిస్తోంది.