ఎల్కతుర్తిలో నూతన కేజీవీబీ భవనం ప్రారంభం

నూతన తహసీల్దార్ కార్యాలయ భవనానికి శంకుస్థాపన

ఎల్కతుర్తి: NTODAY NEWS 

హన్మకొండ జిల్లా ఎల్కతుర్తి మండల కేంద్రంలో నూతనంగా నిర్మించిన కస్తూర్బా గాంధీ బాలికల విద్యాలయం (KGBV) భవనాన్ని ప్రారంభించారు. అలాగే నూతన తహసీల్దార్ (MRO) కార్యాలయ భవన నిర్మాణానికి శంకుస్థాపన కార్యక్రమం నిర్వహించారు.

ఈ కార్యక్రమానికి రాష్ట్ర రెవెన్యూ, గృహ నిర్మాణ, సమాచార పౌర సంబంధాల శాఖ మంత్రి పొంగులేటి శ్రీనివాస్‌రెడ్డి, రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్ ముఖ్య అతిథులుగా హాజరయ్యారు.

అలాగే హన్మకొండ జిల్లా కలెక్టర్ శ్రీమతి చాహత్ బాజ్‌పాయ్, స్థానిక ఎమ్మెల్యే నాయిని రాజేందర్ రెడ్డి, ప్రజాప్రతినిధులు, వివిధ శాఖల అధికారులు పాల్గొన్నారు.

విద్యార్థినులకు మెరుగైన విద్యా వాతావరణం కల్పించడంతో పాటు, ప్రజలకు మెరుగైన రెవెన్యూ సేవలు అందించేందుకు నూతన తహసీల్దార్ కార్యాలయ భవనం ఉపయోగపడుతుందని అధికారులు తెలిపారు. కార్యక్రమంలో ప్రజాప్రతినిధులు, అధికారులు, స్థానిక నాయకులు తదితరులు పాల్గొన్నారు.