Rapido: ర్యాపిడోలో బంగారు నగలు పంపిస్తే.. నగలతో సహా మాయమైన డెలివరీ బాయ్

బంధువుల ఇంటికి నగలు పంపేందుకు బుక్ చేసిన రైడ్.. నగలు అందకపోవడంతో ఆందోళన

హైదరాబాద్ (ఎన్ టుడే న్యూస్):

ర్యాపిడో ద్వారా బంగారు నగలు పంపించేందుకు బుక్ చేసిన వ్యక్తికి ఊహించని అనుభవం ఎదురైంది. నగలను తీసుకెళ్లిన డెలివరీ బాయ్ వాటితో సహా అదృశ్యమైన ఘటన వెలుగులోకి వచ్చింది.

బంజారాహిల్స్ రోడ్ నంబర్ 2లోని వివో సంస్థలో అడ్మిన్ మేనేజర్‌గా పనిచేస్తున్న దత్త ప్రసాద్ నల్లపాటి ఈ నెలలో నాగోల్‌లో నివసిస్తున్న తన బంధువుల ఇంటికి బంగారు నగలు పంపించాలని నిర్ణయించుకున్నారు. ఇందుకోసం ర్యాపిడో సేవలను బుక్ చేశారు. అయితే నగలను తీసుకెళ్లిన డెలివరీ బాయ్ వాటిని గమ్యస్థానానికి చేర్చకుండా అదృశ్యమైనట్లు సమాచారం.

ఈ ఘటనకు సంబంధించిన పూర్తి వివరాలు, నగల విలువ, బాధితుడు పోలీసులకు ఫిర్యాదు చేశారా? అనే అంశాలు తెలియాల్సి ఉంది.