బెల్లంకొండ యాదవుల బజారులో ఘనంగా వినాయకుడి పూజలు

గురువారం నిమజ్జనానికి ఏర్పాట్లు

బెల్లంకొండ | Ntoday News

పల్నాడు జిల్లా బెల్లంకొండ గ్రామంలోని యాదవుల బజారులో వినాయక చవితి ఉత్సవాలు ఘనంగా కొనసాగుతున్నాయి. ఏర్పాటు చేసిన వినాయక విగ్రహానికి కమిటీ ఆధ్వర్యంలో ప్రత్యేక పూజా కార్యక్రమాలను భక్తిశ్రద్ధలతో నిర్వహిస్తున్నారు. బెల్లంకొండ మండలంలో పలు ప్రాంతాల్లో వినాయక మండపాలు ఏర్పాటు చేసి ఉత్సవాలు నిర్వహిస్తున్నట్లు స్థానిక సమాచారం కూడా వెల్లడిస్తోంది. 

వినాయకుడికి ప్రతిరోజూ ప్రత్యేక పూజలు, హారతులు నిర్వహిస్తూ భక్తులు స్వామివారిని దర్శించుకుంటున్నారు. యాదవుల బజారులో పండుగ వాతావరణం నెలకొంది.

స్వామివారి నిమజ్జన కార్యక్రమాన్ని గురువారం నిర్వహించనున్నట్లు ఉత్సవ కమిటీ సభ్యులు తెలిపారు. నిమజ్జన కార్యక్రమాన్ని ప్రశాంతంగా నిర్వహించేందుకు ఏర్పాట్లు చేస్తున్నట్లు పేర్కొన్నారు.

ఈ కార్యక్రమంలో కమిటీ సభ్యులు జవాజీ పెద్ద పాపయ్య, తెల్ల మేకల కోటేశ్వరరావు, కందుల వెంకటేష్, లక్ష్మణ్, షన్ను తదితరులు పాల్గొన్నారు.