JNTUలో విద్యార్థుల మధ్య ఘర్షణ
తీజ్ పండుగ సందర్భంగా మొదలైన వివాదం.. హాస్టళ్లలో కర్రలతో పరస్పర దాడులు
హైదరాబాద్ | Ntoday News
హైదరాబాద్ జేఎన్టీయూలో విద్యార్థుల మధ్య ఘర్షణ చోటుచేసుకుంది. తీజ్ పండుగ సందర్భంగా నిన్న రాత్రి ఓ విద్యార్థిపై మరికొందరు విద్యార్థులు దాడి చేయడంతో వివాదం మొదలైనట్లు సమాచారం.
ఆ తర్వాత గౌతమి, మంజీర హాస్టళ్లలో విద్యార్థులు పరస్పరం కర్రలతో దాడులకు పాల్పడినట్లు తెలుస్తోంది. ఈ ఘటనతో హాస్టల్ పరిసరాల్లో ఉద్రిక్త పరిస్థితి నెలకొంది.
ఘర్షణలో పలువురు విద్యార్థులు గాయపడినట్లు సమాచారం. గాయాలపాలైన విద్యార్థులను హాస్టల్ సిబ్బంది ఆసుపత్రికి తరలించి చికిత్స అందించినట్లు తెలుస్తోంది.
ఈ ఘటనకు దారితీసిన పూర్తి కారణాలు, ఎంతమంది విద్యార్థులు గాయపడ్డారు అనే వివరాలు తెలియాల్సి ఉంది. ఘటనపై సంబంధిత అధికారులు విచారణ చేపట్టే అవకాశం ఉంది.
#JNTU #Hyderabad #StudentClash #HostelClash #BreakingNews #Telangana #NTodayNews
