ఇరాన్‌పై సైనిక చర్యను రెండు వారాల పాటు నిలిపివేసిన ట్రంప్

ఇరాన్‌పై సైనిక చర్యను రెండు వారాల పాటు నిలిపివేసిన ట్రంప్

అమెరికా, ఇరాన్ మధ్య నెలకొన్న తీవ్రమైన యుద్ధ వాతావరణం తాత్కాలికంగా చల్లబడింది. అమెరికా అధ్యక్షుడు డొనాల్డ్ ట్రంప్, ఇరాన్‌పై చేపట్టాలనుకున్న సైనిక దాడులను రెండు వారాల పాటు నిలిపివేస్తున్నట్లు సంచలన ప్రకటన చేశారు. ఈ నిర్ణయం, గడువు ముగియడానికి కేవలం 90 నిమిషాల ముందు తీసుకున్నాడని ట్రంప్ వెల్లడించారు, దీంతో ప్రపంచవ్యాప్తంగా ఉత్కంఠ తగ్గింది.

పాకిస్థాన్ ప్రధాని షెహబాజ్ షరీఫ్ మరియు ఫీల్డ్ మార్షల్ అసిమ్ మునీర్ చేసిన అభ్యర్థన మేరకే ఈ నిర్ణయం తీసుకున్నట్లు ట్రంప్ తన 'ట్రూత్ సోషల్' ఖాతాలో వెల్లడించారు. అయితే, ఇరాన్ హార్ముజ్ జలసంధిని రెండు వారాల పాటు సురక్షితంగా తెరవాలని షరతు పెట్టారు. దీనిని, కాల్పుల విరమణ అని ట్రంప్ అభివర్ణించారు.